تأكد إنك ناوي صحيح ..وشاري ..من قبل مانبداه.. نا مشواري ..
تأكد إنك هاويني..وفعلا تقيم الحب وتهنيني..وتمشي معايا الدرب
..ماتشقيني..وتقبل صحيح..إن قلت ليك أعذاري
تأكد إنك رايدني..وقادر صحيح تود ..وتساعدني..
وقادر نعيش معاك وتجددني
..ويشعل علي طول الزمان ..فناري
تأكد إنك ولهان..وقادر تشيل معاي..كل الاحزان..
وتعرف تعامل داخلي الفنان..وتشاركني كافة أشعاري
تأكد إنك تسعدني..وعن كل حزن وهم..نا تبعدني..
وقادر مع الأيام ..ناتجددني ..وتبني لي في الكون ..كل أثاري
تأكد إنك ماتنسي ..وتحافظ علي عود الغرام..وغرسه..
وتسهر معايا الليل ..وين مايمسي ..ونصبح علي زولك ..يكون نهاري
تأكد إنك أحلامي..وتسعد علي طول الزمان أيامي..وتبدد سحاب الحزن
..فيه غمامي..وتنزل علي الحب الوليد..أمطاري
26 comments:
حلوووووووووووووووووووووووووووووووووووووووووووووووووووووووووووووووووووووووووووووووووووووو
حلوووووووووووووووووووووووووووووووووووووووووووووووووووووووووووووووووووووووووووووووووووووو
سوف يتاكد لان مشاعرك نطقت وقلت ما تخفيه بين طيات قلبك
فما اجمل الاعتراف بالحب عندما ييختفى فى هذا الزمان
ماعندي ما انقول غير ما شاء الله
كلمه في ودنك هو لتوا زعما مازال مش متأكد؟؟؟؟
سلام
جيجى يسلام على الرقة فى اختيار الكلمات مشاء اللة كلماتك جميلة جدا كما تعودنا دائما
بس اكيد رح يكون متاكد من حاجة وحدة انا شخص محضوض جدا جدا
سلام
السلام عليكم ورحمة الله وبركاتة
كيف حالك يا جيجي وكيف حال الاسرة كلها ان شاء الله يارب اتكونوا بخير وصحة وسعادة وهناء
مش راح انقولك وينك لاني حتى انا اختفيت اليومين هذين بس شفت اسامة في الشات بوكس عندك يسال عليك ان شاء الله ايكون المانع خير ان شاء الله كنتي غاطسة في فرح هههههه مشاء الله موجة اعراس في بنغازي الايام هذي الجماعة يبو ايلحقوا ارواحهم قبل رمضان
بالنسبة لشعر والله ابدعتي وجميل ما كتبتي تسلم الانامل ولعلمك انا دائم الالحاح عليك في نشر ما كتبتي في السابق بيش عاد انتعرفوا عليك لكن انا توة انقولك اللى عرفتة عليك
اولاً ابنية رقيقة ورومنسية
ثانياً طيوبة واتحبي الخير لناس
ثالثا اتقدري الصداقة ومن ايصادقك يستطعم حلاوة الصداقة
رابعا اتراعي مشاعر الناس وهتمامك بيهم يغلب اهتمامك بنفسك
سادسا كريمة جدا جدا جدا
سابعا حنونه واجد واجد
ثامنا وتاسعا هذين انخليهن لميمي هي صديقتك وتعرفك اكثر مني ممكن اتساعدني اشوي
عاشرا يا بختة ويا سعدة ويا هناة من كتبت لة هذة الابيات
ولو يقرا كلماتي انقولة راك طحت واقف مشاء الله عليك والعقبة لطيحتى ههههههه
سلام يا خية
بإختصار ..
كلماتك تسلب الألباب
تحياتي
السلام عليكم
توه شنو بنقولك
هذا كله من المدار مع المدار مش حتقدر تغمض عينيك ... ربى يصبرنا وخلاص
المهم توه خلينى فيك
شنو يا بنية ها الابداع افحمتينا يا رب بس يارب ان شاء الله السعد ينوشنا و نديروا عرس اه اه اه قصدى ااااا نديروا قصايد فى حوشنا
هههههههههه
ماشاء الله عليك
سلمت يمينك
ميوشة
السلام عليكم
anonymous
وانت أحلي
أستودعك الله
السلام عليكم
رومانسي
والله منور بالهلبه علي الرغم من تقصيري معك الا انك متابع جيد بالنسبه لي شكرا لاهتمامك ومرورك الطيب
أستودعك الله
السلام عليكم
منورة ياسمحة
وانت اللي ماشاء الله عليك
هههههههههههههه والله ضحكتيني
انت شنو رايك؟هههههههه
أستودعك الله
السلام عليكم
خوي الزعيم أوس
الله يبارك فيك علي الشعور الطيب
وان شاء الله ربي يرزقك من تعرف قدرك وتحترمك يارب
أستودعك الله
وعليكم السلام والرحمه
اهلا سيرجيو
الله يبارك فيك الكل الحمد لله في نعمة وصحه مشكور جدا علي سؤالك
وبالنسبه للغيبة والله خليط من أحداث الحياة أفراح وعمل
مشكور خوي علي كلامك الذي فعلا قد أبكاني ولك مني كل الاحترام والتقدير
وعاشرا ضحكتني واااااااااجد وان شاء الله اطيح واقف هههههههه
والله تستاهل كل خير خوي
أستودعك الله
السلام عليكم
مشكور خوي لمرورك وكلامك احلي
أستودعك الله
سراج
برغم نعرف جيجي من حوالي 10 او 11 سنه بس صدقني كل كلمه قلتها على جيجي كانت مزيوطه ميه في الميه و كأنك تعرفها من زمان
فعلا هادي هي جيجي و كلامي هدا و الله ماهو مجامله فيها
المختصر البنيه هادي ماريتش زيها و كرمها فات كرم الطائي من شويه بس قطعت على كلامها و قلتلها اتصليلي بأختي اللي قاعده في ليبيا
جيجي ربي يخليك و يحفظك و يعطيك كل اللي تتمنيه
خليني نمشي قبل ما نبدا نبكي
نشوفك على خير
السلام عليكم
ميوش تأخير
اسمعي يامي لا ليبيانا ولامدار وبدون أعذار
حسابك عندي غير نشوفك
المهم خليني توا نرد عليك
صار عرس تي باهي باهي
والفال ليك ميوشتي علي رايك ان شاء الله ينوشكم
أستودعك الله
السلام عليكم
ميمي حبوبتي أخجلتيني
والله استاااااااااااااااحشتك هلبه
دمتي اختي وصديقتي المفضله
وردي بالك تبكي
مسألة وقت ونتلاقوا ان شاء الله
أستودعك الله
جيجي ... اعجبني الاسم
السلام عليك
احم
احم
اطلع يامستخبي
نبصر عليك بس حبيت نبشاك
شن اخبارك وشن امورك ليك وحشة
سلامي
اختك
فتاة من زمن اخر
السلام عليكم
DARKanis
وانت أحلي
أستودعك الله
السلام عليكم
اوخيتي فتاة من زمن آخر
انا الحمد لله اكويسه بالهلبه
وانت كيفك ؟
ولا يهمك خوذي راحتك وراك تغيبي
أستودعك الله
السلام عليكم
DARKanis
وانت أحلي
أستودعك الله
we like ur words so much its easy and simple and the rhyme is fantastic too waiting 4 more
hope ur visit
السلام عليكم
أحمد وشيرين
مشكورين علي الكلام الحلو وهذا من ذوقكم
وان شاء الله في جعبتي الكثير
وحنزوركم قريبا ان شاء الله
أستودعكم الله
بصراحه كلماتك تحفه وتخطف القلوب بجد مش مجامله والله ياجيجى ودى اول زياره ليه وانشاء الله هضيف مدونتك وهتابع بوستاتك ومش هتكون اخر زياره انشاء الله
ومستنى تعليقك على البوست الجديد ةبتاعى لان رايك اكيد يهمنى ويشرفنى انك تعلقى عندى ياجميل
مستنى تعليقك وكل سنه وانتى طيبه باى
شعر جميل جدا تسلم ايدينك عليه
Post a Comment